أمثلة محرفة

1- من طلب العلا يتفضل فى كابينه (4)

2- اللى بيته من إزاز ميغيرش هدومه فى الصالون

3- فاقد الشىء يدور عليه

4- اقلب القدره على فومها الفول يقع منها

5- تأتى الرياح محمله بالأتربة

6- ياخبرالنهارده بفلوس بكره ينزل عليه أوكازيون

7- اللى معاه قرش محيره يجيب حمام ويحمره

8- جت الحزينه تفرح شغلت شريط حكيم وقعدت ترقص

9- قال يامحشحشين يكفيكوا شر الكمين

10- اللى ياكل لوحده يشبع

11- لاتبكى على اللبن فى البسكوت

12- اقطع عرق و حته بتلو

13- اطبخى ياجاريه الأنبوبه فاضيه يا سيدى

14- لو حبيبك عسل ما تحطلوش طحينة

15- اللى يتلسع من الشوربه يتصل بالمطافى

16- وبكره ترجع ريما من عند خلتها فى مارينا

17- ياداخل بين البصله وقشرتها حط قطرة علشان هادمع من ريحتها

18- اصوم اصوم وافطر على المدفع

19- القرش الأبيض بيعوم فى البحر الأحمر

20- ضربوا الأعور على عينه قالهم كسرتوا النضاره

21- اللى ميشفش من الغربال يكشف نظر

22- المال السايب يعلم الطلبه

23- نام وارتاح وكل عسل نحل التمساح

24- من خرج من داره مينساش يأخد المفتاح معاه

25- الباب اللى يجيجلك منه الريح شيله وركب قبنورى

26- المضطر يركب التاكسى

27- رب صدفة خير من ألف ليلة و ليلة

28- اللى يخاف من العفريت يعمل عبيط

29- حجه البليد بصرف فلوسى على الوييد

30- المركب اللى فيها رايسين يلعبوا طاولة

31- اللى خدتوا الأرعه تخدو ام الخلول

32- what اللى ميعرفش يقول

33- أكل العيش يحب الطعميه

34- lenses العين عليها

35- قاوا للحرامى أحلف قالهم وحياة قلبى وأفراحوا

ضربوا الأعور على عينه قالهم كسرتوا النضاره

حلوين بجد يا ميدووووو
ما شاء الله

دايما بستنى مواضيعك عشان بيبئى ليها طعم تانى

الف شكر يا بشمهندس

ربنا يخليكى يا بشمهندسة ......
وانا دايما برده بستنة ردودك الجميلة .........
وشكرا مرة اخرى على مرورك ...........
بس متكليش علية العدية وابقى طمنينا دخلتى قسم ايه

من طرف semsema الأحد 14 سبتمبر 2008 - 21:46

الحمد لله دخلت قسم عمارة
الحمد لله

وانت عملت ايه؟

الف مبروووووك
انا محتار اخش عمارة ولا نظم. ايه رايك؟؟؟؟؟

أمثلة محرفة

أمثلة محرفة

رد: أمثلة محرفة

رد: أمثلة محرفة

رد: أمثلة محرفة

رد: أمثلة محرفة